Champs d’activitad strategics e finanzas
Per la realisaziun dal maletg directiv definescha il chantun tschintg champs d’activitad strategics che collian ils secturs da direcziun centrals dal futur provediment da la sanadad en il chantun Grischun. Davos mintga champ d’activitad stat ina finamira strategica formulada da maniera clera che determinescha la direcziun dal svilup a lunga vista. Al medem temp pussibiliteschan adattaziuns structuralas e novs model da cooperaziun gudogns d’effizienza e potenzials da respargn a media enfin lunga vista.
La realisaziun dals finamiras strategicas
Per la realisaziun dal maletg directiv definescha il chantun tschintg champs d’activitad strategics che collian ils secturs da direcziun centrals dal futur provediment da la sanadad en il chantun Grischun. Davos mintga champ d’activitad stat ina finamira strategica formulada da maniera clera che determinescha la direcziun dal svilup a lunga vista.
La realisaziun succeda da maniera specifica tenor rollas: Per mintga champ d’activitad èn definidas da maniera clera las incumbensas e mesiras dal chantun, da las vischnancas sco era da las regiuns da provediment da la sanadad e dals furniturs da prestaziuns (RPS/FP). Uschia vegn creada ina structura da direcziun lianta che regla da maniera transparenta responsabladads e pussibilitescha in ulteriur svilup coordinà dal sistem. Regiuns che n’èn actualmain anc betg organisadas sco regiuns da provediment da la sanadad, vegnan envidadas da crear la structura d’organisaziun correspundenta cun auta prioritad. Enfin tar la constituziun formala resta la responsabladad per la garanzia dal provediment da la sanadad vinavant cumplettamain tar las vischnancas.
Ils champs d’activitad strategics furman ensemen il rom d’orientaziun liant per l’ulteriur svilup dal provediment da la sanadad en il chantun Grischun. Cun la cumbinaziun da finamiras cleras, orientaziuns strategicas e mesiras definidas da maniera specifica tenor rollas vegn garantida ina realisaziun structurada, priorisada e manischabla a lunga vista.
1. Finamira strategica: Provediment integrà e segirezza dal provediment regiunal
Garanzia d’in provediment da la sanadad per l’entir territori, che includa tut ils secturs e che è damanaivel al domicil cun il svilup consequent da models da provediment integrads.
Quest champ d’activitad rinforza la regiun da provediment da sanadad sco model d’organisaziun da muntada, promova in provediment coordinà cun Case Management e segirescha las capacitads da la medischina da medis e medias da chasa, en la somatica acuta, en il sectur da tgira sco era en il provediment psichiatric.
Orientaziun
1. Il model da las regiuns da provediment da la sanadad vegn sviluppà vinavant da maniera consequenta, cun la finamira da porscher prestaziuns da servetsch da maniera coordinada e tant sco pussaivel ord in maun. Regiuns che n’han anc betg etablì ina structura organisada da maniera correspundenta, creeschan las premissas organisatoricas per in’organisaziun da provediment integrada regiunala.
2. L’implementaziun da models da provediment integrads vegn promovida sistematicamain e per lung da l’entira chadaina da provediment.
3. In provediment coordinà da las pazientas e dals pazients vegn garantì. Per quest scopo vegnan etablidas e sviluppadas vinavant structuras adattadas – spezialmain en furma da Case Management.
4. L’Ospital chantunal dal Grischun ha ina rolla centrala relevanta per il provediment en sia funcziun d’ospital da center, ed el garantescha la segirezza da la purschida da provediment da la sanadad da la medischina acuta.
5. Ils servetschs psichiatrics dal Grischun han la responsabladad per il provediment psichiatric en il chantun Grischun e contribueschan uschia essenzialmain a la garanzia d’in provediment adattà als basegns per l’entir territori.
Mesiras dal chantun
- Il chantun promova il model da las regiuns da provediment da la sanadad e metta las directivas per implementar quel (obligaziun).
- Il chantun examinescha ed implementescha las cundiziuns da basa per la tgira da transiziun e las purschidas successivas.
- Il chantun dirigia cun incumbensas da prestaziun e cun la planisaziun d’ospitals; el finanziescha las prestaziuns d’utilitad publica (PUP) tenor incumbensa.
- Examinaziun da sustegn finanzial per il servetsch d’urgenza da medias e medis da chasa.
Mesiras da las vischnancas
- Las vischnancas han l’obligaziun da confinanziaziun.
- Las vischnancas incumbenseschan las RPS cun la realisaziun dal Case Management.
Mesiras da las RPS/dals FP
- Implementaziun e/u ulteriur svilup da las regiuns da provediment da la sanadad (obligaziun en ils proxims 4 onns).
- Coordinaziun da las purschidas da prestaziun en la somatica acuta e svilup da models alternativs als lieus actuals (tenor la matrix da provediment).
- Realisaziun dal Case Management.
- Garanzia da las capacitads en il KSGR e tar ils PDGR.
2. Finamira strategica: demografia e persunal qualifitgà
Ils effects da la midada demografica vegnan mitigiads cun garantir a lunga vista il basegn regiunal da persunal qualifitgà.
En il focus stattan iniziativas da scolaziun, models innovativs dal temp da lavur, collavuraziun interchantunala tar il perfecziunament sco era mesiras per liar e recuperar persunal qualifitgà.
Orientaziuns
1. Purschidas da scolaziun e da perfecziunament en il sectur da la sanadad publica vegnan rinforzadas e sviluppadas vinavant tenor ils basegns da maniera intenziunada.
2. Las cundiziuns da basa per la realisaziun da models innovativs dal temp e da l’organisaziun da la lavur vegnan meglieradas en il rom da las pussaivladads legalas e finanzialas.
3. Cundiziuns da lavur attractivas per il provediment da medias e medis da chasa sco era models alternativs per il provediment da basa vegnan creadas e sviluppadas vinavant. A quellas fan part oravant tut praticas communablas, models da provediment interprofessiunals, l’engaschament dad Advanced Practice Nurses sco era ulteriuras funcziuns professiunalas spezialisadas.
Mesiras dal chantun
- Il chantun promova purschidas da scolaziun e perfecziunament en il sectur da la sanadad publica.
- Il chantun stgaffescha cundiziuns da basa per models innovativs dal temp da lavur, per cundiziuns da lavur, per fluctuaziuns pervi dal turissem – ensemen cun il KIGA
- L’Uffizi da sanadad s’occupa ensemen cun la Federaziun grischuna d’ospitals e da chasas da tgira (BSH) cun il tema da confamigliars che tgiran ed assistan.
Mesiras da las vischnancas
- Las vischnancas garantescha la finanziaziun e la promoziun da mesiras cumplementaras a la professiun (p.ex. purschidas a las scolas professiunalas euv.).
- Las vischnancas garanteschan in provediment da medias e medis da chasa (ev. sur RPS).
- Las vischnancas realiseschan concepts sco p.ex. praticas communablas incl. investiziuns da construcziun.
Mesiras da las RPS/dals FP
- Schlargiament da purschidas da scolaziun e da perfecziunament regiunalas en il sectur staziunar ed ambulant per collavuraturas e collavuraturs indigens e da l’exteriur.
- Rinforzament da la collavuraziun entaifer l’entir chantun tar la scolaziun ed il perfecziunament da medias e medis tranter tut ils ospitals dal chantun Grischun.
- Promoziun da l’attractivitad sco patrun da lavur cun models attractivs dal temp da lavur, cun la cumpatibilitad da professiun e famiglia e cun impuls da motivaziun intenziunads.
- Gremis da direcziun dad organisaziuns/instituziuns/ospitals garanteschan in liom activ dal e la recuperaziun da persunal qualifitgà.
- Realisaziun da programs per medias e medis assistents.
3. Finamira strategica: purschidas e cooperaziuns
Rinforzament da purschidas da provediment differenziadas cun cooperaziuns interprofessiunalas ed intersecturalas per profitar da sinergias e da potenzials d’effizienza en la sanadad publica.
Quest champ d’activitad ha sco finamira la coordinaziun graduada da las prestaziuns en la somatica acuta tenor la matrix da provediment e cooperaziuns tranter instituziuns e novs models da provediment regiunals.
Orientaziuns
1. La rolla da l’ospital da center vegn definida da maniera clera e rinforzada en il sectur da las prestaziuns dal center e da la medischina autspezialisada. La direcziun tras il chantun vegn definida da nov. Las disciplinas spezialisadas correspundentas vegnan garantidas da maniera autonoma u en cooperaziun cun partenaris surchantunals adattads.
2. La distribuziun dad incumbensas e rollas tranter ospital da center ed ospitals regiunals vegn coordinada da maniera clera e la direcziun vegn rinforzada dal chantun. La coordinaziun tranter provediment da center e quel da basa vegn rinforzà structuralmain.
3. Purschidas da transiziun sco tgira acuta e tgira da transiziun, letgs da distgargia e da vacanzas sco era ulteriuras furmas da provediment flexiblas vegnan schlargiadas tenor basegns e sviluppadas vinavant da maniera coordinada.
4. In’organisaziun da salvament communabla coordinada sin nivel chantunal vegn examinada da maniera structurala e sviluppada vinavant cun la finamira d’in provediment d’urgenza effizient dad auta qualitad per l’entir territori.
5. Purschidas regiunalas ambulantas avant e suenter il part vegnan rinforzadas e sviluppadas vinavant. A quellas fan per exempel part centers da cumpetenza per famiglias, models da spendreras accreditadas, parts dirigids da spendreras sco era chasas da parturir cun structuras da cooperaziun regladas da maniera clera.
Mesiras dal chantun
- Il chantun surpiglia sia rolla da maniera activa tar l’orientaziun/la cumpra da prestaziuns/la cogestiun.
- Il chantun participescha a las incumbensas tranter l’Ospital chantunal (KSGR) sco ospital da center ed ils ospitals regiunals sco provediders da basa.
- Il chantun inizialisescha in project per l’elavuraziun d’ina organisaziun da salvament communabla e coordinada.
- Il chantun promova purschidas regiunalas ambulantas e posteriuras tar l’assistenza al part.
Mesiras da las vischnancas
- Las vischnancas portan la responsabladad per e finanzieschan la purschida e las cooperaziuns sco incumbensa a la RPS/FP
Mesiras da las RPS/dals FP
- Realisaziun dal concept da salvament.
- Realisaziun da purschidas transitoricas (tgira transitorica euv.).
- Realisaziun da novs models tar l’assistenza al part (p.ex. pussaivladads da scolaziun e perfecziunament, chasas da parturir, parts dirigids da spendreras, euv.).
- Realisaziun da models da cooperaziun e coordinaziun surregiunala da la purschida.
4. Finamira strategica: Transfurmaziun digitala
Systematische Erhöhung des digitalen Reifegrades im Gesundheitswesen, um über reine Digitalisierung hinaus eine strukturelle Transformation zu ermöglichen und zukunftsfähige, technologiegestützte Geschäftsmodelle zu entwickeln.
Im Vordergrund stehen gemeinsame Plattformlösungen, digitale Informationssysteme, Datenaustauschstrukturen sowie die Berücksichtigung gemeinsamer Beschaffungsmodelle.
Orientaziuns
1. Per promover la transfurmaziun digitala vegnan sviluppads ed implementads mecanissems da motivaziun adattads per ils furniturs da prestaziuns en la sanadad publica.
2. La digitalisaziun en la sanadad publica succeda da maniera coordinada ed en stretga collavuraziun da tut las acturas e da tut ils acturs participads per lung da l’entira chadaina da provediment.
3. Purschidas da provediment che sa basan sin tecnologia – oravant tut models che sa basan sin telemedischina e digitalisaziun - vegnan promovids e confinanziads da maniera intenziunada en il rom da las resursas disponiblas.
4. In concept unitar da radiologia per l’entir chantun vegn elavurà. Quel cumpiglia ina colliaziun da PACS centrala sco era ina collavuraziun radiologica structurada, suror ils singuls lieus tranter ospital da center ed ospitals regiunals.
Mesiras dal chantun
- Il chantun examinescha la surdada d’in’incumbensa da prestaziun ad in’organisaziun adattada per l’optimaziun dal barat da datas e dals percurs clinics digitals (p.ex. a l’Uniun Pro Digitalisierte Gesundheitseinrichtiunng (VPDG)
- Il chantun sa participescha finanzialmain a la realisaziun da las purschidas che sa basan sin tecnologia (p.ex. telemedischina)
- Il chantun sa participescha a l’acquisiziun da soluziuns digitalas.
- Il chantun incumbensescha in concept da radiologia unitar (p.ex. a la VPDG).
Mesiras da las vischnancas
- Naginas mesiras
Mesiras da las RPS/dals FP
- Elavuraziun d’ina plattafurma d’infurmaziun per clinicas interoperabla, abla per mandants, sco access central al provediment da sanadad.
- Svilup e promoziun d’in agir definì cun novas tecnologias (Hometreatment, telemedischina euv.).
- Implementaziun da purschidas che sa basan sin tecnologia.
- Realisaziun dad ina infrastructura radiologica en il chantun GR.
5. Finamira strategica: Finanziaziun e spazis d’agir regulatorics
Sviluppar models da finanziaziun innovativs ed utilisar spazis libers regulatorics per garantir in provediment economicamain solid e d’auta qualitad.
Quest champ d’activitad cumpiglia finanziaziuns da pilot, novs models da provediment e da finanziaziun en cooperaziun cun partenaris sco era la direcziun intenziunada sur incumbensas da prestaziun e prestaziuns d’utilitad publica.
Orientaziuns
1. Per projects da pilot innovativs vegnan sviluppads ed examinads models da finanziaziun adattads.
2. Novs models da provediment e da finanziaziun vegnan sviluppads e realisads en cooperaziun tranter regiuns da provediment da la sanadad, furniturs da prestaziuns ed ulteriurs partenaris – oravant tut assicuranzas.
Mesiras dal chantun
• Sviluppar models da finanziaziun innovativs ed adattads al chantun per projects da pilot (p.ex. via artitgel d’experimentar, lescha per promover la tgira da malsauns art. 27 & art. 35).
• Il chantun examinescha models da finanziaziun per mesiras or dal model directiv.
Il chantun definescha las cundiziuns da basa per tut las mesiras da realisaziun or dal model directiv.
Mesiras da las vischnancas
- Naginas mesiras
Mesiras da las RPS/ dals FP
- Las regiuns da provediment da la sanadad ed ils furniturs da prestaziuns sviluppan novs models da provediment e da (con)finanziaziun, ensemen cun partenaris (p.ex. assicuranzas).
Emprima stimaziun dals meds finanzials necessaris e dals potenzials da respargn
La realisaziun dal model directiv è colliada cun investiziuns intenziunadas. Al medem temp pussibiliteschan adattaziuns structuralas e novs model da cooperaziun gudogns d’effizienza e potenzials da respargn a media enfin lunga vista.
La survista suandanta cuntegna ina emprima stimaziun approximativa dals effects finanzials da mesiras elegidas en ils champs d’activitad strategics. Ella serva sco rom d’orientaziun per l’ulteriura planisaziun politica e finanziala. Las summas decleradas èn valurs directivas e sa basan sin ipotesas actualas; ellas vegnan precisadas vinavant en il rom da la realisaziun concreta.
La preschentaziun mussa:
- nua che investiziuns intenziunadas èn necessarias per garantir la segirezza dal provediment, la qualitad e l’innovaziun,
- en tge secturs che optimaziuns structuralas pon effectuar distgargias,
- ed era co che la responsabladad finanziala vegn repartida tranter chantun e vischnancas.