Matrix dal provediment
Cun la matrix dal provediment vegn illustrada da maniera sistematica la collavuraziun e la distribuziun d’incumbensas tranter ils differents furniturs da prestaziuns. Ella serva da coordinar ed optimar il provediment da pazientas e pazients sur differents stgalims e secturs da provediment.
L’integraziun verticala dals differents furniturs da prestaziuns entaifer las regiuns (provediment or d’in maun) sco era la coordinaziun orizontala tranter il furniturs da prestaziuns (cooperaziuns) èn en quest connex princips da concepziun centrals. Sco element che dat las structuras, furma la via da tractament da pazientas e pazients il fundament per ina nova matrix dal provediment en la somatica acuta dal chantun.
La matrix dal provediment stgaffescha transparenza davart cumpetenzas, incumbensas da prestaziun e furmas da cooperaziun dals differents furniturs.
Ella definescha las directivas obligantas per l’ulteriur svilup dal provediment acut en il chantun Grischun e per la glista dals ospitals che la regenza ha da relaschar. Ella rinforza la segirezza dal provediment, optimescha la coordinaziun e contribuescha a la segirezza persistenta da qualitad ed effizienza dal sistem general.
Indicaziun: per ina visualisaziun optimala, per plaschair avrir la matrizza sin in desktop.
Survista dals nivels da provediment e da da lur finamiras
